Geely EX5-ը մասնակցեց Sevan EV Rally 2025-ին՝ հաստատելով իր դիրքը էլեկտրական շարժունակության ասպարեզում
Հուլիսի 23, 2025թ. Հայաստանում տեղի ունեցավ սպասված Sevan EV Rally 2025 էլեկտրամրցարշավը՝ միակ պաշտոնական մրցույթը, որը նվիրված է էլեկտրական մեքենաներին։ Այս եզակի հարթակը համախմբում է ոլորտի նորարարներին, առաջատար բիզնեսներին և էլեկտրական շարժունակության սիրահարներին՝ ստեղծելով միջավայր, որտեղ արագությունն ու խելացի տեխնոլոգիաները միահյուսվում են։
Մրցարշավը, որն անցկացվում է արդեն երկրորդ տարին, առանձնանում է իր յուրահատուկ ձևաչափով․ մասնակիցները անցնում են շուրջ 212 կմ ամբողջ Սևանի շուրջը՝ հաղթահարելով ինչպես արագության, այնպես էլ ռազմավարության վրա հիմնված քվեստեր։ Սա ոչ միայն տեխնիկական, այլև մտավոր մարտահրավեր է՝ բարդ ու հետաքրքիր երթուղով։
Այս տարի մրցույթին մասնակցում էին տարբեր տեսակների էլեկտրամեքենաներ՝ ինչպես 2WD, այնպես էլ 4WD։
Geely-ն ներկայացավ իր նորագույն էլեկտրական քրոսովերով՝ Geely EX5 մոդելով, որը նախագծված է խելացի համակարգերով, հարմարավետությամբ ու հուսալի կառավարումով։ EX5-ի մասնակցությունը մրցավազքին ընդգծեց բրենդի հավատարմությունը նորարարական լուծումներին և էլեկտրական շարժունակության զարգացմանը։
Թեև մրցարշավում Geely EX5-ը չհաղթեց, այն ցույց տվեց իր պոտենցիալը՝ հանդես գալով որպես ապագայի վստահելի և խելացի փոխադրամիջոց։ Նրա ներկայությունը նման մասշտաբային միջոցառման ընթացքում խոսում է բրենդի տեխնոլոգիական աճի և շուկայի նոր սահմաններում հաստատուն քայլերով առաջ շարժվելու մասին։